Chortoqda qo‘mondon yoshlar bilan uchrashdi

Namangan viloyati Chortoq tumanining olis hududlaridan biri, tuman markazidan 35 km uzoqlikdagi Baliqli koʻl qishlogʻida joylashgan Sulton Uvays Qaroniy ziyoratgohi majmuasida ko‘plab yoshlar va Sharqiy harbiy okrug qo‘shinlari qo‘mondoning uchrashuvi bo‘lib o‘tdi.

Tadbir avvalida yoshlar uchun mazkur hudud bo‘ylab sayohat o‘tkazildi.

Uchrashuvda “Armiya vatanparvarlik va jasorat maktabi” shiori ostida tashkil etilgan “Jasorat maktabi” harbiy vatanparvarlik yig‘ini ishtirokchilari, tumandagi 1-sektorga biriktirilgan yoshlar, tuman hokimining o‘rinbosari, Yoshlar ishlar boshqarmasi, faxriylar hamda keng jamoatchilik vakillari ishtirok etishdi.

Sharqiy harbiy okrug qo‘shinlari qo‘mondoni general-mayor Aybek Saidov bugungi kunda yoshlarga berilayotgan e’tibor va imkoniyatlar to‘g‘risida hamda milliy armiyamizda olib borilayotgan islohotlar, oliy harbiy bilim yurtlariga suhbat davomida to‘xtalib o‘tdi.

Okrug qo‘shinlari qo‘mondoni yoshlar bilan ochiq muloqotga kirishib, faoliyati davomida o‘rnak bo‘ladigan va qiziqarli voqealar haqida so‘zlab berdi.

Tadbir davomida, bugungi kunda Qurolli Kuchlarimizda yoshlarga beriladigan imkoniyatlar va imtiyozlar, shuningdek, oliy harbiy bilim yurtlari hamda ularga kirish tartibi bo‘yicha yoshlar tomonidan ko‘plab savollar berildi. Bundan tashqari, ishtirokchilar tomonidan qo‘mondonning hayot yo‘liga qiziqish bildirildi.

Tadbir so‘nggida faol ishtirok yoshlarga okrug qo‘shinlari qo‘mondonining qimmatbaho va esdalik sovg‘alari topshirildi.

Bizning sahifalarimiz:
✅Telegram | ✅Instagram | ✅Facebook‌‌‌‌